† ზარნაძეთა გვარის დალოცვა პატრიარქის მიერ შედგა 2011 წლის 2 ოქტომბერს სამების ტაძარში †

2017.04.08

მოგესალმებით დიდი სიყვარულით!
ყოველწლიურად, აღდგომის მესამე კვირადღეს, ალისუბანში არის ალავერდობის დღესასწაული. არის აზრი (ის გამოითქვა დავით და ირინე ზარნაძეების მიერ), რომ ამ დღეს მოეწყოს ადგილობრივი-ალისუბნელი და სხვაგან მცხოვრები ზარნაძეების შეხვედრა. მე ასე მესახება ღონისძიებები, რომელის ჩატარება იქნება შესაძლებელი:
თუ შევძლებთ წმინდა გიორგის საგვარეულო ხატს გადავაბრძანებთ ალისუბნის ახლად აღდგენილ წმინდა გიორგის ეკლესიაში. სავარაუდოდ, შეხვედრა უნდა შედგეს კვირას, 7 მაისს, 14 საათზე. 6 მაისს, სოფელ გოგნში, ალისუბნის მახლობლად, არის გიორგობის დიდი დღესასწაული.
ვაჩვენებთ ფილმის იმ ვერსიას, რომელიც გვაქვს, დავამატებთ იქ გადაღებულ ნაწილს და გავითვალისწინებთ მათ აზრებს ფილმის დასრულებამდე.
დავგეგმავთ ადგილობრივ სახლებში სტუმრობას და მენიუს, რომლისთვისაც მონაწილეებს მოუწევთ გარკვეული თანხის გადახდა.
ჩავატარებთ ადგილობრივ მოსახლეობასთან საექიმო კონსულტაციებს ექიმი ზარნაძეების ინიციატივით.
ალბათ, სხვა მოსაზრებებიც დაემატება.

პატივისცემით, დავით ზარნაძე
ზარნაძეების საგვარეულო კავშირის თავმჯდომარე. მობ.: 599 543 812

ზარნაძეთა საგვარეულო კავშირის გამგეობა

2013.12.28

ზარნაძეების საგვარეულო წმინდა გიორგის ხატი ამჟამად გამოტანილია გამოფენაზე აღმაშენებლის 64-ში სახელმწიფო ფოლკლორის ცენტრის შენობაში I სართულზე ხატმწერ გიორგი ეგნატაშვილის კოლექციაში.
გამოფენა სავარაუდოდ 7 იანვრამდე გაგრძელდება.

ზარნაძეთა საგვარეულო კავშირის გამგეობა

2013.12.28

ზარნაძეების საგვარეულო წმინდა გიორგის ხატი, რომელიც შეძენილია დავით და ირინე ზარნაძეების მიერ, მოგზაურობს ზარნაძეების ოჯახებში (თითოეულ ოჯახში ხატი იქნება 2 კვირა).
ხატის ოჯახში მიბრძანების მსურველები გთხოვთ, ჩაეწერონ: მობილური 599 932354 დავით ზარნაძე.

ზარნაძეთა საგვარეულო კავშირის გამგეობა

2013.11.14

2013 წლის 24 ნოემბერს, კვირას, 14:00 საათზე შედგება ზარნაძეთა საგვარეულოს კრება

დღის წესრიგი:

1. წმინდა გიორგის იმ ხატის კურთხევა, რომელმაც უნდა იმოგზაუროს ზარნაძეების ოჯახებში. ხატი შეძენილია დავით და ირინა ზარნაძეების მიერ;
2. ზარნაძეების შესახებ ფილმის ჩვენება (ფილმი ჯერ დასრულებული არ არის) და დასრულებისათვის აზრების გაზიარება;
3. სამების ტაძარში დაბრძანებული ზარნაძეების საგვარეულო ხატისათვის კიოტის (სადგამის) გამზადების შესახებ ინფორმაცია;
4. გვარის ისტორიის წიგნის გამოცემის მდგომარეობის შესახებ;
5. ზარნაძეების საგვარეულოს რეგიონალური წარმომადგენლების არჩევა (თბილისში, ქუთაისში, რუსთავში, ბათუმში, ფოთში, ზესტაფონში, ტყიბულში, თერჯოლაში, ალისუბანში, ეწერში, ჩხარში, . . . );
6. დასასრულ გაიმართება ხატის დალოცვა.

გთხოვთ, მოგვაწოდოთ მასალები, რომლებსაც თქვენ ჩათვლით საჭიროდ ფილმზე და წიგნზე დასამატებლად.
ხატის კურთხევის და დალოცვის ადგილისა და პირობების შესახებ დამატებითი ინფორმაციისათვის მსურველები დაგვიკავშირდით ტელეფონებზე: 295 45 65, 599 543 812 (ბანი), 568 890 812 (ბილაინი), ან მობრძანდეთ მისამართზე – აღმაშენებლის 44.

ზარნაძეთა საგვარეულო კავშირის გამგეობა

სრულიად საქართველოს კათოლიკოს-პატრიარქის უწმინდესისა და უნეტარესის ილია II-ის ქადაგება.
ქადაგების შემდეგ პატრიარქმა დალოცა შემდეგი გვარები: ზარნაძეები, ადუაშვილები, ალადაშვილები, კენკებაშვილები, ნუცუბიძეები, ბედელაძეები.
2011 წლის 2 ოქტომბერი.
თბილისი. საქართველო.

ზარნაძეების საგვარეულო ხატის მიბრძანება სამების საკათედრო ტაძარში.
2011 წლის 1 ოქტომბერი.
თბილისი. საქართველო.

2011.09.28

2011 წლის 2 ოქტომბერს სამების საკათედრო ტაძარში შედგება ზარნაძეების გვარის დალოცვა სრულიად საქართველოს პატრიარქის, მცხეთა-თბილისის მთავარეპისკოფოსისა და ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის, ილია II-ის მიერ.

ამ უმნიშვნელოვანეს ღონისძიებასთან დაკავშირებით დაგეგმილია შემდეგი დღის წესრიგი:
შაბათს, 1 ოქტომბერს საღამოს 5 საათზე: ზარნაძეების საგვარეულო დიდი ხატის მიბრძანება სამების საკათედრო ტაძარში;
კვირას, 2 ოქტომბერს, დილის 9 საათზე: დილის წირვა;
10-11 საათზე: ზარნაძეები შეიკრიბებიან ეზოში საგვარეულო ბაირაღთან;
11 საათზე: სამების ტაძარში შესვლა, სადაც სავარაუდოდ დაახლოებით 12 საათამდე მოხდება გვარის დალოცვა პატრიარქის მიერ;
დალოცვის შემდეგ 12-13 საათზე: ზარნაძეები შეიკრიბებიან საქართველოს საგვარეულოთა კავშირის სხდომათა დარბაზში;
შეხვედრა დაიწყება ზარნაძეთა კავშირის ჰიმნით;
გვარის დალოცვას მოგვილოცავენ საქართველოს საგვარეულოთა კავშირის ხელმძღვანელები ბატონები ლევან ფრუიძე და ლექსო ნაზღაიძე;
კავშირის შექმნაზე, მიზნებზე და ჩატარებული ღონისძიებებისა და ზარნაძეების ქველმოქმედებების შესახებ ინფორმაციას მოგაწვდით კავშირის თავმჯდომარე დავით ზარნაძე;
მისასალმებელი სიტყვები და ურთიერთმისალმებები;
საპატიო ზარნაძეების დასახელება და არჩევა;
დალოცვის ზეიმის გაგრძელება რესტორანში (მისამართს და ადგილს მოგვიანებით გაცნობებთ);
ზარნაძეების დალოცვასთან დაკავშირებით მზადდება კინოფილმი, რომელსაც მოამზადებს საქართველოს საგვარეულოთა კავშირის სპეციალური სამსახური.

ზარნაძეთა საგვარეულო კავშირის გამგეობა

2011.05.17

2011 წლის 2 ოქტომბერს სამების საკათედრო ტაძარში შედგება ზარნაძეების გვარის დალოცვა სრულიად საქართველოს პატრიარქის, მცხეთა-თბილისის მთავარეპისკოფოსისა და ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის, ილია II-ის მიერ.

ჩვენი გვარისათვის ამ უმნიშვნელოვანესი ღონისძიების ღირსეულად ჩასატარებლად მიმდინარეობს მზადება:
● იქმნება საგვარეულო დიდი და პატარა ხატები (პატარა ხატს საჩუქრად ქმნის ხატმწერი ლელა ზარნაძე);
● იქმნება ზარნაძეთა საგვარეულო გერბი და დროშა (მათ საჩუქრად ქმნიან ირინე ავთანდილის ასული და დავით (შალვა) ავთანდილის ძე ზარნაძეები);
● იქმნება ზარნაძეთა საგვარეულო კავშირის საიტი http://union.zarnadze.com (მას საჩუქრად ქმნის და ინფორმაციების ცვლილებებს აკონტროლებს გიორგი გიზოს ძე ზარნაძე);
● იქმნება წიგნი “ზარნაძეების გვარის ისტორია” (მისი პირველი ვარიანტი, რომელიც შეგიძლიათ იხილოთ საიტზე, რამდენიმე წლის წინ დაწერა ცნობილმა ენათმეცნიერმა, ფილოლოგიურ მეცნიერებათა დოქტორმა ბადრი ცხადაძემ. ამჟამად მიმდინარეობს ახალი მასალების დამატება და მზადება წიგნის გამოსაცემად).

გთხოვთ, წარმოადგინოთ თქვენი ოჯახის საგვარეულო ხეები და დამატებითი ინფორმაციები წიგნში შესატანად!
გთხოვთ, გაწევრიანდეთ ზარნაძეთა საგვარეულო კავშირში, გადაიხადოთ საწევრო გადასახადი ანგარიშებზე (ლარში, ევროში, დოლარში და ფუნტებში), რომლებიც განთავსებულია საიტზე http://union.zarnadze.com  თქვენს მიერ გადახდილი თანხა უახლოეს დროში მისი გადახდის თარიღისა და მიზნობრიობის ჩვენებით აისახება საიტზე ჩანართში “ქველმოქმედება”. (ლარის ანგარიში – “თიბისი ბანკის” მარჯანიშვილის ფილიალი, მიმღები “ზარნაძეთა საგვარეულო კავშირი” – ა/ა GE83 TB78 1203 6080 1000 01.

გთხოვთ, გასწიოთ ქველმოქმედება დიდი საგვარეული ხატის შესაქმნელად და წიგნის “ზარნაძეების გვარის ისტორია” გამოსაცემად. შეგიძლიათ წინასწარ გადაიხადოთ წიგნის ღირებულება 30 ლარი. ამით ხელს შეუწყობთ წიგნის გამოცემის დაჩქარებას.

გთხოვთ, დაგვეხმაროთ ზარნაძეების სიის, ტელეფონების ნომრების, მისამართების და ელ-მისამართების დადგენაში მთელი საქართველოს მასშტაბით და საზღვარგარეთ.

ზარნაძეთა საგვარეულო კავშირის გამგეობა

ზარნაძეების საგვარეულო კავშირის კრება.
სამების საკათედრო ტაძრის დარბაზი.
2011 წლის 15 იანვარი.
თბილისი. საქართველო.